«Челси» клуби собиқ ҳужумчиси Крис Саттон «Манчестер Юнайтед» ҳужумчи Криштиану Роналду туфайли муаммоларга дуч келиши мумкинлигини айтди.

– Сиз «Манчестер Юнайтед»ни чепмпионлик пойгасидан чиқариб юбордингиз. Нима учун, Кристофер?
– Энг асосий сабаб шундаки, «Манчестер Сити», «Челси» ва «Ливерпуль»нинг таркиби кучлироқ. Бу жамоаларнинг захира ўриндиғи ҳам "узун". Аммо, ўйлашимча, Оле-Гуннар Сульшер яхши трансфер кампаниясини ўтказди. Аммо, Роналду «Манчестер Юнайтед» учун муаммо туғдиради.

У жуда ва жуда аҳамиятли шахс. У жамоа билан шартнома имзолаган пайтдаёқ унинг жамоага фойдаси тегишига шубҳа билан қарагандим. Бу трансфер борасида кучли ажиотаж юзага келган. Буларнинг барчасини тушунаман, бироқ португалиялик футболчи Оле-Гуннар Сульшер учун муаммо туғдиради.

Агар «Манчестер Юнайтед» ўз уйида тажовузкор ўйин кўрсатса, прессинг намойиш этса, Роналду голлар уради. Агар Криштиану прессингда иштирок этмаса, «МЮ» бир киши кам бўлиб ўйнайди.

Агар футболчи прессингда иштирок этмаса, югурмаса, «Манчестер Сити»да ўйнамайди. Худди шундай — югурмаган ва прессингда иштирок этмаган ўйинчи «Челси» ва «Ливерпуль»да ўйнамайди.

Муаммо шундаки, Роналду қандай қилиб жамоа ўйинига қўшиш мумкин? Унинг ўйини кайфиятга боғлиқ. Шанба куни шундай муаммо кузатилди. Гари Невилл шунга ўхшаш фикрни айтганда, футболчининг кайфияти тушиб кетди. Роналдуга қаратилган юқори эътибор ҳам — яна бир муаммо. Агар Роналдунинг кайфияти бўлмаса, бу ҳам жамоадаги муҳитга таъсир қилиши мумкинми?

Шу боис, Криштиану «Юнайтед» учун катта муаммо бўлади, деб ҳисоблайман», – деди Саттон.