«Yuventus» Umtitining «Barselona»dagi vaziyatini kuzatib bormoqda.

Samuel Umtiti xohish bilan «Barselona» bilan shartnomasini bekor qilishi mumkin va bu holatda «Yuventus» va «Milan» futbolchini taklif qilishga tayyor.

Bu haqda ispan OAV xabar bermoqda. «Barselona» bosh murabbiyi Ronald Kuman bir necha bor Umtiti o‘z rejalariga kiritilmaganini aytgan, biroq yozda futbolchini sotishning iloji bo‘lmagani uchun tomonlar o‘zaro xohish bilan shartnomani muddatidan oldin bekor qilish bo‘yicha muzokaralarni boshlashgan.

Oxirgi transfer oynasida «Yuventus» va «Milan» futbolchiga qiziqish bildirishgan, shuning uchun Ispaniyada «Barselona» bilan shartnoma bekor qilingandan so‘ng, bu klublar futbolchiga taklif jo‘natishni ko‘zlamoqda.