«Yuventus» «Milan» himoyachisi Alessio Romanyolini o‘z safiga qo‘shib olmoqchi. Bu haqda Italiya matbuoti xabar beradi. Futbolchi Turin klubi safiga tekinga borib qo‘shilishi mumkin.
Romanyolining «rossonerilar» bilan amaldagi shartnomasi 2022 yilning iyunida o‘z nihoyasiga yetadi va hozircha tomonlar shartnomani uzaytirish niyatida emaslar.
Joriy mavsum himoyachi oltita o‘yinda maydonga tushib, hech qanday samarali harakatlarni qayd eta olmadi.
Avvalroq, Kataloniyaning «Barselona» klubi ham Romanyoli xizmatlariga qiziqish bildirayotgani haqida xabarlar tarqalgan edi.
