«Ювентус» «Милан» ҳимоячиси Алессио Романьолини ўз сафига қўшиб олмоқчи. Бу ҳақда Италия матбуоти хабар беради. Футболчи Турин клуби сафига текинга бориб қўшилиши мумкин.
Романьолининг «россонерилар» билан амалдаги шартномаси 2022 йилнинг июнида ўз ниҳоясига етади ва ҳозирча томонлар шартномани узайтириш ниятида эмаслар.
Жорий мавсум ҳимоячи олтита ўйинда майдонга тушиб, ҳеч қандай самарали ҳаракатларни қайд эта олмади.
Аввалроқ, Каталониянинг «Барселона» клуби ҳам Романьоли хизматларига қизиқиш билдираётгани ҳақида хабарлар тарқалган эди.