Ispaniya La-Ligasining 9-turidan o‘rin olgan "Kamp Nou"dagi o‘yin o‘z nihoyasiga yetdi. O‘yin shiddatli kurashlarni bizga taqdim etdi. 1-taymning 3-daqiqasidayoq mehmonlar Gayyaning ajoyib goli tufayli hisobda oldinga chiqib olishdi. Oradan ko‘p vaqt o‘tmay Ansu Fati oradagi muvozanatni tikladi. Taym yakunlanishi arafasida Depay penaltini aniq amalga oshirib "ko‘k-anorranglilar"ni hisobda oldinga olib chiqdi. Bahs yakunlanishi arafasida esa Koutinyo darvozabon bilan birga-bir vaziyatda qolib ketdi va imkoniyatdan unumli foydalandi. Uchrashuv 3:1 hisobida mezbonlarning foydasiga hal bo‘ldi.
"Barselona" – "Valensiya" 3:1
Gollar: 0:1 – 5 Gayya, 1:1 – 13 Fati, 2:1 – 41, penalti Depay, 3:1 – 85 Koutinyo.
"Barselona" – ter Shtegen, Serxi Roberto (Mingesa, 71), Pike, Erik Garsiya, Alba, Buskets, de Yong, Gavi (Niko Gonsales, 71), Dest (Aguero, 87), Depay, Fati (Koutinyo, 59).
"Valensiya" – Sillessen, Fulkye (Musa, 75), Gabriel Paulista, Diakabi, Gayya, Gilyamon (Elder Koshta, 86), Gedesh (Cherishev, 75), Vass, Soler, Duro (Markos Andre, 59), Maksi Gomes (Valyexo, 86).
Ogohlantirishlar: Gavi (20), Buskets (32), Gayya (39), Fulkye (63), Maksi Gomes (82).
