Madridning «Real» klubi bosh murabbiyi Karlo Anchelotti jamoa hujumchisi Karim Benzema bu yil «Oltin to‘p»ni qo‘lga kiritishiga umid bildirdi.

  - Ko‘ramiz... G‘olib bo‘lishi mumkin bo‘lgan boshqa nomzodlar bor. Men uchun Benzema ulardan biri. Umid qilamanki, u g‘alaba qozonadi, chunki Karim bu yil qilgan barcha ishlari uchun, shuningdek, o‘yinlari uchun ushbu mukofotga munosib.  Har doim Benzemaning natijalari o‘rtacha ko‘rsatkichdan yuqori bo‘lgan. Benzema ushbu sovrinlar uchun muhim bo‘lgan terma jamoa bilan chempionlikni qo‘lga kiritdi. Umid qilamanki, u g‘alaba qozonadi, chunki u bunga loyiq, - dedi Anchelotti.

33 yoshli Benzema joriy mavsum «Real» safida 10 ta o‘yinda maydonga tushib, 10 ta gol urdi va 7 ta golli uzatmani amalga oshirdi.