«Real Madrid» bosh murabbiyi Karlo Anchelotti «Barselona» ustozi Ronald Kuman haqida gapirdi.
- Ronald Kuman haqida qanday fikrdasiz?
- Bu yaxshi murabbiy. Men undan keyin «Everton»ga keldim va klubdagilarning barchasi Ronald haqida iliq gaplar gapirishdi.
Men uni yaxshi bilmayman, lekin u o‘z jamoalariga ijobiy ta’sir ko‘rsatadi. Uning «Barselona»da qilgan ishlari haqida ham shunday deyish mumkin.
Menimcha, hozir «Barsa»ni boshqarish oson emas. Klub o‘zgarmoqda... Menimcha, Kuman bu ishni yaxshi uddalaydi», - deydi Anchelotti.
«Real Madrid» 24 oktyabr yakshanba kuni safarda «Barselona» bilan o‘ynaydi. Uchrashuv Toshkent vaqti bilan 19:15 da boshlanadi.