Yevropa Ligasi guruh bosqich 3-tur doirasida "Lasio" o‘z maydonida Fransiyaning "Marsel" klubini qabul qildi.
Uchrashuv 0:0 hisobi bilan yakunlandi. Mazkur bahs yakunlanganidan keyin ikkala jamoa bosh murabbiylari hamda futbolchilar o‘z fikrlarini bildirib o‘tishdi.
"Lasio" bosh murabbiyi Maurisio Sarri: "Yaxshi jamoaga qarshi yomon bo‘lmagan o‘yin ko‘rsatdik. Hissiyotlar haqida gapirsam, birinchi daqiqalarda bizga yorqinlik yetishmadi. Oxirgi 30 daqiqalaikda esa biroz omad. Istalgan vaziyatda gol urishimiz mumkindek tuyuldi. Natijadan achchiqlanmoqdamiz. "Latsio" qat’iyatlik namoyish etdi, g‘alabaga to‘liq ishongandik va oxirgi daqiqalarda o‘yin suratini oshirdik. O‘yin jihatidan oldinga qadam tashlaganimiz ko‘rindi. Natijadan afsusdamiz, ammo yana tiklanib olish uchun oldimizda uchta o‘yin bor".
"Lasio" yarim himoyachisi Daniyel Akpa-Akpro: "Qiyin o‘yin bo‘ldi. O‘yinni biroz qo‘rqib boshladik va raqib jamoa ishonchga ega bo‘ldi. Ikkinchi bo‘limda yaxshi o‘ynadik, g‘alabaga haqli harakat qildik. Gol ura olmaganimiz achinarli. Shunday davom etishimiz kerak. "Inter"ga qarshi yaxshi o‘ynadik, bugun ham g‘alabaga munosib o‘yin ko‘rsatdik. "Verona" bilan ham shu yo’sinda davom etishni istaymiz".
"Lasio" hujumchisi Mattia Zakkanyi: "Ajoyib jamoaga to‘qnash keldik va yuqorida aytib o‘tilganidek intensivlik darajasi talab qilingan yaxshi o‘yin guvohiga aylandik. Tez-tez zarbalar berishni uddaladik, ammo gol ura olmaganimiz achinarli holat. Birinchi bo‘limda to‘g‘ri masofalarni topishda biroz qiyinchilikka uchradik".
"Lasio" darvozaboni Tomas Strakosha: "Ushbu durang bizni kishanga solingandek his qilishimizga sabab bo‘ladi. Ayniqsa, ikkinchi bo‘limda g‘alaba qozonishga haqli edik. Pau Lopes darvozada yaxshi turdi, ularning himoyasi ham taslim bo‘lgani yo’q va gol urishga qiynaldik. Stakanga yarim to‘liq holda qarashimiz kerak. Vaqt bizning tomonda. Asta-sekin natijalar o‘zi keladi".
"Marsel" bosh murabbiyi Xorxe Sampaoli: "Yaxshi jamoaga qarshi yaxshi o‘yin bo‘ldi deb o‘ylayman. Bu kelajak uchun bizga umid bag‘ishlaydi. Bugun shaxsan men uchun dunyoning eng yaxshi hujumchilaridan biriga qarshi o‘ynadik. Duy, Uilliam va qanotlarda Luan hamda Rangiyerni qaysi biri o‘ynashga munosibroqligini ko‘rish muhim. Rangiyerning chiqib ketishi uning charchaganligi bilan bo‘gliq. Chap tomonni yopib qo‘yishni istagandik".
"Marsel" posboni Pau Lopes: "Uch ochko uchun bu yerga kelgandik. Bu yerda bo‘lganimdan beri, eng yaxshi birinchi bo‘limni ko‘rsatdik. O‘yin yakunida charchab qoldik va yakunda bu yaxshi natija. Bu o‘yin Yevropa Ligasidagi oldingi ikkita durangdan farq qiladi. Moskvadagi birinchi o‘yinda natijadan qoniqmagandik. Yo’q, o‘zimni yengilmas his qilmaganman. Hech qaysi o‘yinchi o‘zini bunday tutmasligi kerak. Bu yerga yana qaytish va "Latsio"ga qarshi o‘ynash yoqimli bo‘ldi. Bu biroz derbidek o‘tdi".
Ma’lumot uchun, Pau Lopes 2019-yildan beri "Roma" futbolchisi hisoblanadi va hozirda ijara asosida "Marsel" safida faoliyatini davom ettirmoqda.
