«Napoli» bosh murabbiyi Luchano Spaletti «Roma»ga qarshi bahsdan oldingi fikrlari bilan o‘rtoqlashdi. Jamoalar yakshanba kuni A Seriya navbatdagi turida o‘ynashadi.
«Hech qanday holatda men bu qarama-qarshilikni dushman bilan kurashning bir turi deb bilmayman.
Ammo bu, shubhasiz, katta qiyinchilik. Biz g‘alaba qozonish uchun bor kuchimizni sarfladik. «Roma»ga qarshi o‘yindagi muvaffaqiyat «Napoli»ning kelajagi, o‘zimizga bo‘lgan ishonch va turnir jadvalidagi o‘rni uchun juda muhim.
Hozir men butunlay Neapoldaman, ammo «Roma» mening dushmanim emas», — deydi Luchano.
