«Yuventus» bosh murabbiyi Massimiliano Allegri A Seriya 9-tur uchrashuvidan oldin «Inter» haqida fikr bildirdi.
«60 000 dan ortiq tomoshabin bilan ajoyib oqshom bo‘lishiga ishonyapman. Balki Italiyada birinchi marta bunday atmosfera bo‘lar.
«Inter», «Yuve» va «Milan» har doim bizning ligadagi eng muhim jamoalar bo‘lib kelgan va bu albatta yaxshi sinov bo‘ladi.
«Inter» chempionlik uchun asosiy favoritlardan biri. Jamoada juda muhim futbolchilar mavjud. Men hujumlarda faol ishtirok etayotgan Jeko haqida gapiryapman.
U va Lautaro yaxshi tandemga kirishgan. Brozovich jiddiy o‘yinchiga aylandi, u Barella singari ancha yaxshi formaga kirib bormoqda.
«Inter» ligamizning eng kuchli jamoalaridan biri va chempionlik uchun kurashda favorit», — deydi Allegri.
