"Manchester Yunayted"ning portugaliyalik hujumchisi Krishtianu Ronaldu Angliya chempionatining 9-turidan o‘rin olgan "Liverpul"ga qarshi bo‘lib o‘tgan (0:5) o‘yindagi mag‘lubiyatdan so‘ng o‘z sahifasida xabar qoldirdi.
"Ba’zida siz intilayotgan natijaga erishish mumkin emas. Kechagi tablodagi hisob biz xohlagandek bo‘lmadi. Buning uchun faqat biz javobgarmiz. Muxlislar har doimgidek ajoyib tarzda qo‘llab-quvvatlashdi. Ular ko‘prog‘iga loyiq. Biz ular uchun harakat qilishimiz kerak. Vaqti keldi!", - deb yozdi Ronaldu Instagram sahifasida.
