Dortmundning «Borussiya» klubi hujumchisi Erling Xoland kutilganidan ham ko‘proq vaqt maydonga tushmasligi mumkin.
Bild xabariga ko‘ra, hujumchining son mushaklari yorilgan. Shu sababli, futbolchi umumiy guruhdagi mashg‘ulotlarga faqat 6 haftadan so‘ng qaytishi mumkin bo‘ladi.
Shuning uchun Xoland jarohati tufayli 2021 yilda o‘ynamasligi mumkin.
Bu haqda «asalarilar» bosh murabbiyi Marko Rouz shunday dedi: «Men shifokor emasman, bu mavzuda taxmin qilishni xohlamayman».
Bundesliganing joriy mavsumida 6 o‘yinda hujumchi 9 ta gol urdi va 3 ta golli uzatmani amalga oshirdi.
