Bugun bizni yana bir futbol oqshomi kutib turibdi. Unda Angliya liga kubogi turnirining 4 bosqich bahslariga start beriladi.
Angliyada bugun tunda bir nechta uchrashuvlar bo‘lib o‘tishi rejalashtirilgan:
1. "Arsenal" - "Lids" Ushbu uchrashuv ikki APL klubi o‘rtasida o‘tkaziladi. Londonliklar so‘nggi bahsida "Aston Villa"ni 3-1 hisobida dog‘da qoldirgan edi. Byelsa boshchiligidagi "Lids" esa "Vulverxempton" bilan 1-1 o‘ynagan.
2. "Chelsi" - "Sautgempton" "Aristokratlar" PLdagi oxirigi o‘yinida "Norvich"ni o‘z maydonida tor-mor keltirdi. Unda 7 ta gol faqat bir tomon darvozasiga urilgan. "Sautgempton" esa bu mavsumda autsayderga aylangan "Byornli" bilan 2-2 hisobida durangga imzo chekkan.
3. "QPR" - "Sanderlend" Chempionship vakillari o‘rtasidagi kurash ham qizg‘in bo‘lishi kutilmoqda. Bunga sabab esa har ikki tomon so‘nggi o‘yinida raqibga imkoniyatni boy berganidir.
Eslatib o‘tamiz, yuqoridagi uchrashuvlarning barchasi Toshkent vaqti bilan 23:45da start oladi.
