O‘zbekiston boks terma jamoasining eng og‘ir vazndagi a’zosi Lazizbek Mullojonov jahon chempionatidagi o‘zining ilk jangini o‘tkazdi. Unga Puria Amiriy raqiblik qildi.

Fors sportchisi mahorati past emasligini namoyish etdi. Birinchi bo‘limda hamyurtimiz raqibga moslashib, asta-sekin aniq zarbalar sonini oshirib bordi va bo‘limni o‘z foydasiga hal qildi — 10:9, 10:9, 10:9, 10:9, 9:10.

Ikkinchi bo‘limda esa Mullojonov o‘ziga qulay ritm, taktika va harakatlarni topib olib, yaqqol ustunlikka erishdi. Bu safar ham to‘rt hakam Lazizbekning ustunligini qayd etgan bo‘lsa, yana o‘sha yaponiyalik referi ustunlikni Amiriyga berdi.

Amalda g‘alabani naqd qilib qo‘ygan Mullojonov uchinchi bo‘limda qarshi hujum taktikasi o‘tgan bo‘lsa, Puria vabankka borib, oldinga tashlandi. Natijada so‘nggi raund eronlik bokschi foydasiga hal bo‘ldi.

Yakuniy baholar — 29:28, 29:28, 29:28, 29:28, 27:30. Mullojonov keyingi bosqichga yo‘l oldi.