Ўзбекистон бокс терма жамоасининг энг оғир вазндаги аъзоси Лазизбек Мулложонов жаҳон чемпионатидаги ўзининг илк жангини ўтказди. Унга Пуриа Амирий рақиблик қилди.

Форс спортчиси маҳорати паст эмаслигини намойиш этди. Биринчи бўлимда ҳамюртимиз рақибга мослашиб, аста-секин аниқ зарбалар сонини ошириб борди ва бўлимни ўз фойдасига ҳал қилди — 10:9, 10:9, 10:9, 10:9, 9:10.

Иккинчи бўлимда эса Мулложонов ўзига қулай ритм, тактика ва ҳаракатларни топиб олиб, яққол устунликка эришди. Бу сафар ҳам тўрт ҳакам Лазизбекнинг устунлигини қайд этган бўлса, яна ўша япониялик рефери устунликни Амирийга берди.

Амалда ғалабани нақд қилиб қўйган Мулложонов учинчи бўлимда қарши ҳужум тактикаси ўтган бўлса, Пуриа вабанкка бориб, олдинга ташланди. Натижада сўнгги раунд эронлик боксчи фойдасига ҳал бўлди.

Якуний баҳолар — 29:28, 29:28, 29:28, 29:28, 27:30. Мулложонов кейинги босқичга йўл олди.