“Napoli” Maradona kubogida ishtirok etishdan bosh tortdi, deya xabar beradi "Football Italia".
Manbaning ma’lumotiga ko‘ra, Italiya klubi turnirda ishtirok etish uchun 5 million yevro so‘ragan, biroq tashkilotchilar rad javobini bergan. Shu bilan birga, turnirning boshqa ishtirokchilari – “Barselona” va “Boka Xuniors” har biri ishtirok uchun 1 million yevrodan oladi. Qayd etilishicha, “Napoli” qiyin taqvim tufayli, shuningdek, moliyaviy masala bo‘yicha kelishuvga erisha olmagani uchun taklifga rad javobini bergan.
Eslatib o‘tamiz, Maradona kubogi Saudiya Arabistonida shu yilning 14-dekabr kuni bo‘lib o‘tadi.
