“Наполи” Марадона кубогида иштирок этишдан бош тортди, дея хабар беради "Football Italia".

Манбанинг маълумотига кўра, Италия клуби турнирда иштирок этиш учун 5 миллион евро сўраган, бироқ ташкилотчилар рад жавобини берган. Шу билан бирга, турнирнинг бошқа иштирокчилари – “Барселона” ва “Бока Хуниорс” ҳар бири иштирок учун 1 миллион евродан олади. Қайд этилишича, “Наполи” қийин тақвим туфайли, шунингдек, молиявий масала бўйича келишувга эриша олмагани учун таклифга рад жавобини берган.

Эслатиб ўтамиз, Марадона кубоги Саудия Арабистонида шу йилнинг 14-декабрь куни бўлиб ўтади.