Madridliklar qishki transfer oynasida ikki futbolchisidan qutulmoqchi, deya xabar beradi "Fichajes" nashri.
Ma’lumotlarga ko‘ra, "Real Madrid" bosh murabbiyi Karlo Anchelottiga mashg‘ulotlarda jamoaning ikki hujumchisi Luka Yovich va Mariano Diasning harakatlari yoqmagan. Endi klub ularning agentiga o‘zlariga yangi klub izlashini ma’lum qilgan.
Joriy mavsumda, 28 yoshli dominikanlik futbolchi Mariano Dias "qaymoqranglilar" safida 1 o‘yinda ishtirok etgan bo‘lsa, serbiyalik 23 yoshli Luka Yovich 6 uchrashuvda qatnashib, jami 84 daqiqa maydonda harakat qilgan.
