Xosep Gvardiola "Manchester Siti" bosh murabbiyi sifatidagi muvaffaqiyati haqida gapirdi.
“Men ko‘p yillardan beri shu yerdaman. Hech qanday sir yo‘q. Biz o‘zimizni qanchalik yaxshi yoki yomon ekanligimizga qarab emas, balki natijalarga qarab baholaymiz. Men hech narsadan afsuslanmayman. Hozirgacha bajargan ishlarimizdan ko‘proq narsani talab qila olmayman. Bu mumkin emas. Shu davrda yashaganimdan xursandman. Umid qilamanki, biz ishlashda davom etamiz va muvaffaqiyatga erishamiz”, - dedi Gvardiola.
2016 yilda ingliz klubiga kelganidan beri Gvardiola "Siti" bilan uchta Angliya chempionligini qo‘lga kiritdi. "Kristal Pelas" bilan bo‘lajak o‘yin uning Premyer-ligadagi 200-o‘yini bo‘ladi.