"Kristal Pelas" fubolchisi Vilfrid Zaha "Manchester Siti"ga qarshi o‘yindan keyin irqiy kamsitishga uchragan. Xabar qilinishicha, "burgutlar" hujumchisi "Man Siti"ga urgan golidan keyin Instagram'da irqchilikka oid xabarlar qabul qilgan.
Futbolchi bu voqeadan keyin ijtimoiy tarmoq kompaniyalardan muammo bilan jiddiy shug‘ullanishni so‘ragan. U bu haqda shunday deb yozib qoldirgan:
"Men bunday hurmatsizliklarga e’tibor bermayman. Chunki, bu maydondagi harakatlar bilan keladi. Mening rangim har doim haqiqiy muammo bo‘lib qolishini bilaman. Men uchun esa bu haqiqiy sharaf. Men sizlardan muammo bilan jiddiy shug‘ullanishingizni so‘rayman".
Eslatib o‘tamiz, Zaha kecha "Man Siti"ga qarshi tezkor golga mualliflik qilgan edi.
