"Кристал Пелас" фуболчиси Вилфрид Заҳа "Манчестер Сити"га қарши ўйиндан кейин ирқий камситишга учраган. Хабар қилинишича, "бургутлар" ҳужумчиси "Ман Сити"га урган голидан кейин Instagram'да ирқчиликка оид хабарлар қабул қилган.
Футболчи бу воқеадан кейин ижтимоий тармоқ компаниялардан муаммо билан жиддий шуғулланишни сўраган. У бу ҳақда шундай деб ёзиб қолдирган:
"Мен бундай ҳурматсизликларга эътибор бермайман. Чунки, бу майдондаги ҳаракатлар билан келади. Менинг рангим ҳар доим ҳақиқий муаммо бўлиб қолишини биламан. Мен учун эса бу ҳақиқий шараф. Мен сизлардан муаммо билан жиддий шуғулланишингизни сўрайман".
Эслатиб ўтамиз, Заҳа кеча "Ман Сити"га қарши тезкор голга муаллифлик қилган эди.
