Serbiyadagi boks bo‘yicha jahon chempionatida nimchorak final bosqich janglari yakuniga yetdi. Bugun esa chorak final bahslari bo‘lib o‘tadi.

To‘liq tarkib bilan JCHga tashrif buyurgan O‘zbekiston delegasiyasining 7 nafar a’zosi saralash bosqichlarida imkoniyatni boy berishdi. Faqat 6 nafar sportchimiz ushbu bosqichga yetib kelishdi. Ular: Nodirjon Mirzahmedov (48 kg.), Abdumalik Halokov (60 kg.), Mujibillo Tursunov (63,5 kg.), Saidjamshid Jafarov (75 kg.), Madiyar Saidrahimov (92 kg.) va Lazizbek Mullojonov (+92 kg.).

Chorak finalda eng ko‘p ishtirokchi Qozog‘istondan. Qo‘shnilarimizning naq 10 bokschisi mazkur bosqichga yetib kelishdi. Ikkinchi o‘rin hozircha Rossiyaga tegishli. Ularning 8 nafar a’zosi medallar uchun yurishni davom ettirishmoqda. Uchinchi pog‘onani 3 mamlakat vakillari egallab turishibdi — O‘zbekiston, Kuba va AQSH — 6 nafardan.

Keyingi o‘rinlarni Hindiston va Tailand (besh) egallab turgan bo‘lsa, Ozarboyjonning 4 bokschisi musobaqada qoldi.

Braziliya, Yaponiya, Serbiya, Italiya, Qirg‘iziston, Fransiya va Turkiya 3 nafardan, Mo‘g‘uliston, Belarus, Angliyu, Armaniston, Gruziya va Ekvador ikki nafardan sportchi bilan o‘z ishtirokini davom ettirmoqda.

Quyidagi mamlakatlarning bir nafardan bokschilari JCHda qolishdi — Venesuela, Litva, Eron, Xorvatiya, Belgiya, Polsha, Barbados, Bolgariya, Finlyandiya, Germaniya, Trinidad va Tobago, Shotlandiya, Iordaniya, Albaniya, Moldova, Irlandiya, Kolumbiya, Meksika, Ukraina va Ispaniya.

Chorak final janglari bugun o‘tkazilsa, yarim final 4 noyabrga belgilangan. Final janglari 5 noyabr kuni o‘tkaziladi.

O‘zbekistonlik bokschilarning chorak finaldagi janglari ro‘yxati:

-48 kg: Nodirjon Mirzahmedov - Temirtas Jussupov (Qozog‘iston) (17:00)

-60 kg: Abdumalik Halokov - Vsevolod Shumkov (Rossiya) (17:50 dan so‘ng)

-75 kg: Saidjamshid Jafarov - Viparon Jongjoxo (Tailand) (19:15 dan so‘ng)

+92 kg: Lazizbek Mullojonov - David Chaloyan (Armaniston) (20:15 dan so‘ng)

-63,5 kg: Mujibillo Tursunov - Endi Kruz (Kuba) (22:55 dan so‘ng)

-92 kg: Madiyar Saidrahimov - Lyuis Uilyams (Angliya) (00:40 dan so‘ng)