"Liverpul" hujumchisi Sadio Mane jamoadoshi Firmino haqida gapirdi. U bu haqda shunday deydi:
"Menimcha, muxlislarning yaxshi o‘ynab turgan, gol urayotgan futbolchilarni gapirishi va maqtashi futbolning bir qismi. Ammo men jamoa nuqtayi nazardan har doim ta’kidlab kelganman va yana qaytaraman — Firminosiz bizning klubimiz hozirgi o‘rinda bo‘la olmas edi. Bunchalik yaxshi o‘yin ko‘rsatmayotgan bo‘lardi. Besh yildan beri men u bilan o‘ynayman. Siz esa undan menga va boshqa futbolchilarga bo‘lgan qanchadan-qancha uzatmalarni, gollarni ko‘rgansiz. Qolaversa, Firmino himoyada ham ajoyib harakat qila oladi. U insoniy jihatlari bilan hurmatga loyiq futbolchi".
Hozirda mersisaydliklar 10 ta turdan keyin turnir jadvalida 2 o‘rinni egallab turibdi.