Chempionlar Ligasi guruh bosqich 4-turi doirasida Ukrainaning «Dinamo» klubi o‘z maydonida Kataloniyaning «Barselona» jamoasini qabul qiladi.
Tomonlar o‘zaro 11 bor to‘qnash kelishgan. 8 marta «Barselona» g‘alaba qozongan, 3 uchrashuvda esa Kiyev klubi ustunlikka erishgan. To‘plar nisbati: 21-13, «Barsa» foydasiga.
20 oktyabr kuni o‘tkazilgan oxirgi qarama-qarshilikda 1:0 hisobi qayd etilgandi. Pikening 36-daqiqada kiritgan goli «ko‘k-anorranglilar» uch 3 ochkoni taqdim etgan.
Qayd etish kerak, Sergey Rebrov "Dinamo Kiyev"ning Chempionlar Ligasidagi to‘purari hisoblanadi - 31 gol. «Barselona»da esa Lionel Messi (120).
Chempionlar Ligasi 3-turidan keyin "Dinamo Kiyev" 1 ochko bilan guruhda to‘rtinchi, «Barselona» 3 ochko jamg‘argan holda uchinchi o‘rinda bormoqda. «Benfika» va «Bavariya» klublarida mos ravishda 4 hamda 9 ochko mavjud.
Lucheskuning murabbiy sifatida «Barselona»ga qarshi rekordi - 2 g‘alaba, 1 durang, 9 mag‘lubiyat. U 2009 yilgi UEFA Superkubogida «Shaxtyor» bilan «Barselona»ga imkoniyatni boy berib qo‘ygan.
Ispaniyada o‘ynagan:
Denis Boyko («Malaga», 2016/17, ijara)
Karlos De Penya ("Real Oviyedo", 2017, ijara)
Boyko Yevropa Ligasining 2014/15 yilgi mavsum finalida «Dnepr» safida «Sevilya»ga qarshi o‘ynagan va 3:2 hisobida andalusiyaliklar g‘alaba qozonishgan.
Serxio Aguero 2015/16 yilgi mavsum YECHLning nimchorak final bahsida Kiyevda o‘tgan «Dinamo» - "Manchester Siti" o‘yinida gol urgan va jamoasi bilan 3:1 hisobida g‘alaba qozongan.
Ansu Fati Ispaniya terma jamoasi tarkibidagi debyut golini aynan Ukrainaga kiritgan. 2020 yilning 6 sentyabrida o‘tkazilgan Millatlar Ligasi o‘yinida 4:0 hisobi qayd etilgan.
Oradan bir oy o‘tib, 13-oktyabdrda Tsigankovning goli Ukrainga Ispaniya ustidan g‘alaba keltirgan. Mazkur o‘yin ham Millatlar Ligasi doirasida bo‘lib o‘tgan. O‘sha o‘yinda "Dinamo Kiyev"ning 7 nafar futbolchisi ishtirok etgan. «Barselona»dan esa faqatgina Ansu Fati Ispaniya sharafini himoya qilgan.
Bugungi bahsni Ovidu Hategan boshchiligidagi ruminiyalik hakamlar brigadasi boshqarib boradi. Uchrashuv Toshkent vaqti bilan 01:00 boshlanishi rejalashtirilgan.
