Чемпионлар Лигаси гуруҳ босқич 4-тури доирасида Украинанинг «Динамо» клуби ўз майдонида Каталониянинг «Барселона» жамоасини қабул қилади.
Томонлар ўзаро 11 бор тўқнаш келишган. 8 марта «Барселона» ғалаба қозонган, 3 учрашувда эса Киев клуби устунликка эришган. Тўплар нисбати: 21-13, «Барса» фойдасига.
20 октябрь куни ўтказилган охирги қарама-қаршиликда 1:0 ҳисоби қайд этилганди. Пикенинг 36-дақиқада киритган голи «кўк-анорранглилар» уч 3 очкони тақдим этган.
Қайд этиш керак, Сергей Ребров "Динамо Киев"нинг Чемпионлар Лигасидаги тўпурари ҳисобланади - 31 гол. «Барселона»да эса Лионел Месси (120).
Чемпионлар Лигаси 3-туридан кейин "Динамо Киев" 1 очко билан гуруҳда тўртинчи, «Барселона» 3 очко жамғарган ҳолда учинчи ўринда бормоқда. «Бенфика» ва «Бавария» клубларида мос равишда 4 ҳамда 9 очко мавжуд.
Луческунинг мураббий сифатида «Барселона»га қарши рекорди - 2 ғалаба, 1 дуранг, 9 мағлубият. У 2009 йилги УЭФА Суперкубогида «Шахтёр» билан «Барселона»га имкониятни бой бериб қўйган.
Испанияда ўйнаган:
Денис Бойко («Малага», 2016/17, ижара)
Карлос Де Пеня ("Реал Овиедо", 2017, ижара)
Бойко Европа Лигасининг 2014/15 йилги мавсум финалида «Днепр» сафида «Севиля»га қарши ўйнаган ва 3:2 ҳисобида андалусияликлар ғалаба қозонишган.
Серхио Агуэро 2015/16 йилги мавсум ЕЧЛнинг нимчорак финал баҳсида Киевда ўтган «Динамо» - "Манчестер Сити" ўйинида гол урган ва жамоаси билан 3:1 ҳисобида ғалаба қозонган.
Ансу Фати Испания терма жамоаси таркибидаги дебют голини айнан Украинага киритган. 2020 йилнинг 6 сентябрида ўтказилган Миллатлар Лигаси ўйинида 4:0 ҳисоби қайд этилган.
Орадан бир ой ўтиб, 13-октябдрда Тсиганковнинг голи Украинга Испания устидан ғалаба келтирган. Мазкур ўйин ҳам Миллатлар Лигаси доирасида бўлиб ўтган. Ўша ўйинда "Динамо Киев"нинг 7 нафар футболчиси иштирок этган. «Барселона»дан эса фақатгина Ансу Фати Испания шарафини ҳимоя қилган.
Бугунги баҳсни Овиду Ҳатеган бошчилигидаги руминиялик ҳакамлар бригадаси бошқариб боради. Учрашув Тошкент вақти билан 01:00 бошланиши режалаштирилган.
