Chempionlar Ligasi guruh bosqich 4-turi doirasida «Barselona» safarda "Dinamo Kiyev" bilan bellashadi. Mazkur to‘qnashuvdan oldin o‘tkazilgan matbuot anjumanida kataloniyaliklar markaziy himoyachisi Erik Garsiya o‘z fikrlari bilan bo‘lishdi.
"Bu o‘yin juda ham muhim, chunki g‘alaba qozona olsak, keyingi bosqichga chiqish masalasi o‘zimizga bog‘liq bo‘ladi. Biz hammamiz bilib turibmiz, ob-havo va safarimiz tufayli o‘yin biz uchun qiyin o‘tadi. O‘z uyimizda o‘tgan bahsda ham raqib bizga qiyinchilik yaratdi va safarda ham boshqacha bo‘lmaydi. Shunday bo‘lsa ham, jamoa ham ruhan, ham jismonan o‘yinga tayyor".
Erik Garsiya jarohatidan qaytgan bir qancha futbolchilarni tilga olib o‘tdi.
"Frenki de Yong va Ronald Arauxo biz uchun asosiy o‘yinchilar hisoblanishadi. Ansu Fati va Usmon Dembele bilan o‘yinda g‘alaba qozonishimiz mumkin. Ularning barchasi jarohatidan tuzalib safga qaytgani - ajoyib xabar".
Garsiyaning «Barsa»dagi birinchi oyi haqida
"Bu yerga kelishga qaror qilganimda, ishonchim komil edi va hech narsa o‘zgarmadi. Bizda ajoyib jamoa bor va natija har doim biz kutgandek bo‘lmasa ham, mavsumda bosib o‘tilishi kerak bo‘lgan uzoq yo‘l mavjud. Bizning jamoa - raqobatbardosh. So‘nggi paytlarda o‘zimni yaxshi, ishonchli va ancha qulay his qilib borayapman. Jamoaga yordam berishda davom etishni xohlayman.
O‘zimni tanqid qiluvchi birinchi insonman va yaxshilashim kerak bo‘lgan jihatlar borligini bilaman. Bilaman, yanada yaxshiroq o‘ynashim kerak bo‘lgan o‘yinlarda qatnashdim, ammo hozirgacha yaxshilanish maqsadida o‘z ustimda ishlab kelmoqdaman. Jamoada uzoq vaqt qolgan holda, imkonim boricha yordam berishdan umidvorman".
Jamoaning holati haqida
"Serji jamoaga yordam bermoqda. U bizning kuchliroq qiladi - bizga qarshi ishlagan natijalar bo‘ldo, lekin murabbiyning biroz o‘zgartirishlari bilan bir necha yaxshi natijalar qayd etsak, keyin jamoa sifatida o‘sishimizga ishonchim komil.
Eng yaxshi davrlarni o‘tkazmayotgan bo‘lsak ham, jamoa ruhan yaxshi holatda. Biz motivasiyaga to‘lamiz va vaziyatni o‘zgartirishni istaymiz. Biz bu vaziyatdan chiqib ketamiz".
"Dinamo Kiyev" ustozi, Mircha Luchesku: "O‘yinchilarimni ruhlantirishga sabab yo‘q deb o‘ylamayman. «Barselona» - garchi bir qancha asosiy futbolchilarsiz kelgan bo‘lsada, har doim «Barselona». Bu yerga kelgan hamma o‘yinchilar - top darajali. Ammo, «Dinamo»da ham sifatli futbolchilar bor va biz buni ko‘ramiz.
«Barselona»ning 2004 yili Donetskka tashrif buyurganini va o‘shanda Messi YECHLda debyut uchrashuvini o‘tkazganini jamoamga aytdim. «Shaxtyor» ajoyib intizom va fidoyilik evaziga 2:0 hisobida g‘alaba qozongan. Klub o‘shanda ham o‘tish davrini boshidan kechirgandi, hozir ham. Ijobiy natija qayd etish uchun eng yaxshi o‘yinimizni ko‘rsatishimiz kerak".
