"Arsenal" afsonasi Maykl Tomas jamoaning yozgi transferlar oynasidagi ikkita xaridi haqida gapirdi. U bu haqda shunday deydi:

"Remzdeyl o‘zini yaxshi tarafdan namoyish eta oldi. Uning seyvlari shunchaki ajoyib edi. Darvozabon ishonchli bo‘lsa, qolgan futbolchilar ham erkinroq o‘ynay oladi. Men himoyadagi o‘zgarishlarni ham ilg‘adim. Albatta, faqat yaxshi tomonga. Himoyadagi muvozanat va barqarorlik, jamoaning hujumdagi ishlarini yaxshilamoqda. Himoyadagi omadli harakatlarni gol kabi nishonlash esa, futbolchilarga ko‘tarinki ruh beradi. Tomiyasu jamoaga yaxshi qo‘shildi. U yosh bo‘lishiga qaramay, Artetani ishonchiga kira oldi. O‘ylaymanki, uning keyingi harakatlari ham jamoa foydasiga xizmat qiladi".

Eslatib o‘tamiz, "Arsenal"ning kelayotgan bahsi o‘z uyida, Ranyeri jamoasi "Uotford"ga qarshi kechadi.