"Арсенал" афсонаси Майкл Томас жамоанинг ёзги трансферлар ойнасидаги иккита хариди ҳақида гапирди. У бу ҳақда шундай дейди:

"Ремздейл ўзини яхши тарафдан намойиш эта олди. Унинг сейвлари шунчаки ажойиб эди. Дарвозабон ишончли бўлса, қолган футболчилар ҳам эркинроқ ўйнай олади. Мен ҳимоядаги ўзгаришларни ҳам илғадим. Албатта, фақат яхши томонга. Ҳимоядаги мувозанат ва барқарорлик, жамоанинг ҳужумдаги ишларини яхшиламоқда. Ҳимоядаги омадли ҳаракатларни гол каби нишонлаш эса, футболчиларга кўтаринки руҳ беради. Томиясу жамоага яхши қўшилди. У ёш бўлишига қарамай, Артетани ишончига кира олди. Ўйлайманки, унинг кейинги ҳаракатлари ҳам жамоа фойдасига хизмат қилади".

Эслатиб ўтамиз, "Арсенал"нинг келаётган баҳси ўз уйида, Раньери жамоаси "Уотфорд"га қарши кечади.