"Aston Villa" ustozi Din Smit o‘z joyini saqlab qolishi uchun kelayotgan turda "Sautgempton"ni mag‘lub etishi lozim. So‘nggi to‘rtta turdagi ketma-ket mag‘lubiyat hamda 12 marta gol o‘tkazib yuborganidan so‘ng, birmingemliklar jamoasini xavfli zonadan atigi 3 ochko ajratib turibdi.
Bu esa Smitga katta bosim yuklay boshladi. Agarda kelayotgan turda uning jamoasi g‘alaba qayd etmasa, Smit Nunudan keyingi, ishdan olinajak navbatdagi menejerga aylanadi.
Shu o‘rinda eslatib o‘tish joiz, 2019-2020 yilgi mavsumda "Aston Villa" 38-turda Chempionshipga tushib ketishdan qutulib qolgan edi. O‘tgan mavsum esa Din Smit jamoasi mavsumni 55 ochko bilan 11 o‘rinda yakunlagan. Smit 2018 yildan beri Birmingem shahrida faoliyat yuritadi. U shu paytgacha transferlar uchun 300 million funtdan ortiq pul sarf etgan.
