"Астон Вилла" устози Дин Смит ўз жойини сақлаб қолиши учун келаётган турда "Саутгемптон"ни мағлуб этиши лозим. Сўнгги тўртта турдаги кетма-кет мағлубият ҳамда 12 марта гол ўтказиб юборганидан сўнг, бирмингемликлар жамоасини хавфли зонадан атиги 3 очко ажратиб турибди.
Бу эса Смитга катта босим юклай бошлади. Агарда келаётган турда унинг жамоаси ғалаба қайд этмаса, Смит Нунудан кейинги, ишдан олинажак навбатдаги менежерга айланади.
Шу ўринда эслатиб ўтиш жоиз, 2019-2020 йилги мавсумда "Астон Вилла" 38-турда Чемпионшипга тушиб кетишдан қутулиб қолган эди. Ўтган мавсум эса Дин Смит жамоаси мавсумни 55 очко билан 11 ўринда якунлаган. Смит 2018 йилдан бери Бирмингем шаҳрида фаолият юритади. У шу пайтгача трансферлар учун 300 миллион фунтдан ортиқ пул сарф этган.
