«As-Sadd» ustozi Xavi «Barselona» bosh murabbiyiga aylanishga tayyor turibdi.
41 yoshli mutaxassis bugun 2ta uchrashuv o‘tkazdi. Dastlab u «Barsa» rahbarlari bilan uchrashgan bo‘lsa, so‘ng «As-Sadd» xo‘jayini — shayx Muhammad bin Hamad ol-Soniy bilan gaplashdi.
Xavi shayx bilan shaxsan o‘zi uning saroyida uchrashdi. Murabbiy Muhammad bin Hamad ol-Soniy bilan uchrashuvda jamoadan ketish borasida kelishuvga erishdi. Ammo tomonlar o‘zaro kelishuvni qay tariqa bekor qilishlari haqida hozircha bir to‘xtamga kelishmadi.
Juma kuni tomonlar o‘rtasidagi yana bir uchrashuv bo‘lib o‘tadi. Shunda yakuniy qaror qabul qilinadi.