Chempionlar Ligasi guruh bosqich 4-turida «Marsel» o‘z maydonida «Lasio»ni qabul qildi va 2:2 hisobida durang natija qayd etildi.
Uchrashuvdan keyin futbolchi va murabbiylar o‘z fikrlarini bildirib o‘tishdi.
«Marsel» sardori Dmitri Payet: "Biz natijadan xafa bo‘ldik, chunki o‘ylashimcha juda yaxshi o‘ynadik. Yo‘l qo‘ygan ikkita xatomiz bizga qimmatga tushdi. Ularda boshqa imkoniyat ham bo‘lmadi. Ular xatolarimizdan unumli foydalana olishdi. Bizda juda ham ko‘p imkoniyatlar bo‘ldi, agar yaxshiroq tanlovimiz bo‘lganida yoki gol urish hissiyoti ko‘proq bo‘lganida yanada yaxshi harakat qilgan bo‘lardik. Albatta, hali ham guruhdan chiqishimizga ishonayapmiz, garchi taqdirimiz endi o‘z qo‘limizda bo‘lmasa ham. Kurashni davom ettiramiz".
«Lasio» hujumchisi Felipe Anderson: "Yakunda bu yaxshi natija. Chunki, raqib jamoa juda yaxshi harakat qildi. Ular uyda o‘ynashdi. Kelayotgan o‘yinlarda o‘z ochkolarimizni qo‘lga kiritishimiz kerak. Chiro Immobilening rekordidan rohatlanishimiz kerak. Immobiledek futbolchi bilan o‘ynash meni xursand qiladi va doim ruhlantiradi. Boisi, u har doim to‘pga intiladi va barcha o‘yinlarda gol ura oladi. Bu butun jamoaga ishonch beradi".
«Lasio» bosh murabbiyi Maurisio Sarri: "Juda yaxshi texnikaga ega jamoaga qarshi yaxshi o‘ynadi. Xarakter nuqta’i nazardan, jamoam yaxshi harakat qildi. Texnik o‘yinimzdan kelib chiqib xulosa qilsak, yaxshi va yomon jihatlar bor. G‘alaba qozona olmaganimizdan xafamiz, chunki bu jadvalda avvalgidek o‘rinda qolishimizni bildiradi".
«Marsel» hujumchisi Arkadiush Milik: "Qancha imkoniyatlarimiz bo‘ldi, buni bilmayman. Ammo, ularda faqat ikkita imkoniyat bo‘ldi va har ikkisidan gol urib ketishdi. Keyingi ikki o‘yinimizda g‘alaba qozonishimiz kerak. Buni amalga oshirish uchun barcha imkoniyatlarga egamiz va barchasini beramiz".
«Marsel» bosh murabbiyi Xorxe Sampaoli: "Futbolda adolat yo‘q. Biz o‘zimizni to‘rt o‘yinimizning barchasida ustunlik qildi, juda ko‘p jasurlik va shaxsiyat bilan o‘ynadik. Biz ushbu ishonchda davom etsak, shunda keyingi bosqichga chiqa olamiz. Birinchi bo‘limda juda yaxshi harakat qildik va tanaffusga bir xil daraja bilan chiqib ketdik. Tanaffusda adolatsiz aks ettirish bo‘ldi. Keyin ikkinchi bo‘lim boshida gol o‘tkazib yubordik va farqni yana tiklash tajribali jamoaga qarshi o‘yinda qiyin kechdi. Qo‘rquvsiz o‘ynashda davom ettirdik, ammo omad biz tomonda bo‘lmadi. Endi keyingi ikki uchrashuvda g‘alaba qozonishimiz kerak".
