Xorvatiyalik vinger Ivan Perishich «Inter»ni tark etishni rejalashtirmoqda, deb xabar beradi Tuttosport. Yarimhimoyachi klub vakillari bilan suhbatda bo‘lib, u yangi shartnoma imzolamasligini aytdi. Tomonlar o‘rtasidagi shartnoma kelasi yozda yakuniga etadi.
Manbaning qayd etishicha, Perishich «neradzurrilar» bilan kelishuvning moliyaviy qismidan qoniqmayapti. Shu munosabat bilan xorvat o‘ziga qulayroq maosh taklif qiladigan klubga o‘tmoqchi.
A Seriyaning joriy mavsumida 32 yoshli futbolchi 9 ta o‘yin o‘tkazib, ikkita gol urdi va bitta golli uzatmani amalga oshirdi.
