Хорватиялик вингер Иван Перишич «Интер»ни тарк этишни режалаштирмоқда, деб хабар беради Tuttosport. Яримҳимоячи клуб вакиллари билан суҳбатда бўлиб, у янги шартнома имзоламаслигини айтди. Томонлар ўртасидаги шартнома келаси ёзда якунига этади.
Манбанинг қайд этишича, Перишич «нерадзуррилар» билан келишувнинг молиявий қисмидан қониқмаяпти. Шу муносабат билан хорват ўзига қулайроқ маош таклиф қиладиган клубга ўтмоқчи.
А Сериянинг жорий мавсумида 32 ёшли футболчи 9 та ўйин ўтказиб, иккита гол урди ва битта голли узатмани амалга оширди.
