Bir qator omadsiz o‘yinlardan so‘ng rahbariyatdan tarkibni kuchaytirishni talab qilgan «Roma» bosh murabbiyi Joze Mourinyo o‘z jamoasida ko‘rishni istagan futbolchilar borasida bir qarorga keldi.
Britaniyaning The Sun nashri xabariga ko‘ra, portugaliyalik mutaxassis «Chelsi» va «Tottenxem» vakillarini Rimga taklif qilmoqchi. Gap Ruben Loftus-CHik va Harri Uinks haqida ketmoqda.
Boz ustiga, Mourinyo kelasi yozda Antonio Ryudigerni A Seriyaga jalb etishga umid qilmoqda, biroq italyan klubi Yevropaning yetakchi jamoalari, jumladan, «Bavariya» va «Real» bilan qattiq raqobatga duch keladi.
