Londonning “Chelsi” klubi 2022 yilning yanvar oyida Turinning “Yuventus” klubi bilan “yangi Van Deyk” deya ta’riflangan Niderlandiya terma jamoasi markaziy himoyachisi Matteys De Ligtning transferi bo‘yicha muzokaralarni davom ettirish niyatida.
De Ligt uzoq vaqtdan beri Tomas Tuxel uchun yangi markaziy himoyachi qidirayotgan "aristokratlar" rahbariyatida ijobiy taassurot qoldirgan.
Turin klubi o‘zining markaziy himoyachisi uchun taxminan 70 million funt so‘rayapti, biroq ular bu narxni pasaytirishlari mumkin, chunki De Ligtning maoshi ayni damda "Yuventus" uchun juda yuqori - haftasiga 275 ming funt.
Muammo shundaki, "Chelsi"ning hech bir himoyachisi jamoadan bunday katta maosh olmaydi. Ular De Ligtga haftasiga 175 ming funt sterlingdan ko‘proq pul to‘lamoqchi emas, deyiladi xabarda.
Joriy mavsum 22 yoshli himoyachi A Seriyaning 8 uchrashuvida maydonga tushib, 1 gol kiritishga erishdi.