Лондоннинг “Челси” клуби 2022 йилнинг январь ойида Туриннинг “Ювентус” клуби билан “янги Ван Дейк” дея таърифланган Нидерландия терма жамоаси марказий ҳимоячиси Маттейс Де Лигтнинг трансфери бўйича музокараларни давом эттириш ниятида.
Де Лигт узоқ вақтдан бери Томас Тухель учун янги марказий ҳимоячи қидираётган "аристократлар" раҳбариятида ижобий таассурот қолдирган.
Турин клуби ўзининг марказий ҳимоячиси учун тахминан 70 миллион фунт сўраяпти, бироқ улар бу нархни пасайтиришлари мумкин, чунки Де Лигтнинг маоши айни дамда "Ювентус" учун жуда юқори - ҳафтасига 275 минг фунт.
Муаммо шундаки, "Челси"нинг ҳеч бир ҳимоячиси жамоадан бундай катта маош олмайди. Улар Де Лигтга ҳафтасига 175 минг фунт стерлингдан кўпроқ пул тўламоқчи эмас, дейилади хабарда.
Жорий мавсум 22 ёшли ҳимоячи А Сериянинг 8 учрашувида майдонга тушиб, 1 гол киритишга эришди.