Chempionship vakili "Bristol Siti"ning bosh murabbiyi Nigel Person tez orada vazifasidan ozod etiladi. 58 yoshli angliyalik mutaxassis sog‘lig‘idagi muammolar sabab o‘z vazifasini bajara olmasligi ma’lum bo‘lgan.
Ta’kidlanishicha, u oktyabr oyida ikkinchi marta kovid bilan kasallangan. Shundan beri uning ahvoli yaxshi emas. "Bristol" uning boshchiligida oxirgi marta "Koventri Siti"ga 3:2 hisobida mag‘lub bo‘lgan edi.
Person murabbiylik faoliyati davomida "Lester", "Derbi" hamda "Uotford" kabi jamoalarni boshqargan.
