"Barselona"ning yangi tayinlangan bosh murabbiyi Xavi Ernandes o‘zini Gvardiolaga qiyoslashlariga munosabat bildirdi. U bu haqda shunday deydi:
"Meni Gvardiolaga qiyoslashlarining o‘zi, men uchun katta muvaffaqiyatdir. Chunki, u "Barsa"ga, umuman butun futbol olamiga ko‘p narsa bera olgan. U men uchun yaqqol namuna. Pep dunyodagi eng yaxshi murabbiylardan biri. U bilan taqqoslashlar men uchun o‘rinsiz, aslida. Ha, mendan kutilayotgan narsalar kattaligi haqida bilib turibman. Chunki men dunyoning eng yaxshi klubida ishlamoqdaman va shunga yarasha harakat qilaman".
Xavi Kuman o‘rniga olib kelingan edi. U avvalroq Qatarning "As-Saad" jamoasini boshqargan.