"Chelsi" bosh murabbiyi Tomas Tuxel klubning ijaradagi futbolchisi Billi Gilmorning kelajagi haqida fikr bildirdi. U bu haqda shunday deydi:
"Biz bu borada hozir emas, yanvar oyida qaror qabul qilamiz. Men Billi bilan "Norvich"ga qarshi bahsda ko‘rishgandim. Biz gaplashdik va kelishib oldik. Unga boshqa klubda ko‘proq o‘yin amaliyoti zarur. U shu orqali o‘zini ko‘rsatishi va o‘rin uchun kurashga kirishi mumkin. Ishlar balki u xohlayotgandek ketmayotgandir. Lekin hozir biz butun loyihani bekor qila olmaymiz. Bu ishlab chiqilgan tizimli reja. Vaziyat yaxshi bo‘lmagan paytda o‘z o‘yiningni namoyish etish, yaxshi yechim bo‘la oladi".
Avvalroq "Chelsi" Gilmorni qaytarib olishi mumkinligi haqida xabar qilingandi.
