"Челси" бош мураббийи  Томас Тухель клубнинг ижарадаги футболчиси Билли Гилморнинг келажаги ҳақида фикр билдирди. У бу ҳақда шундай дейди:

"Биз бу борада ҳозир эмас, январь ойида қарор қабул қиламиз. Мен Билли билан "Норвич"га қарши баҳсда кўришгандим. Биз гаплашдик ва келишиб олдик. Унга бошқа клубда кўпроқ ўйин амалиёти зарур. У шу орқали ўзини кўрсатиши ва ўрин учун курашга кириши мумкин. Ишлар балки у хоҳлаётгандек кетмайотгандир. Лекин ҳозир биз бутун лойиҳани бекор қила олмаймиз. Бу ишлаб чиқилган тизимли режа. Вазият яхши бўлмаган пайтда ўз ўйинингни намойиш этиш, яхши ечим бўла олади".

Аввалроқ "Челси" Гилморни қайтариб олиши мумкинлиги ҳақида хабар қилинганди.