Yevropa qit’asida JCH-2022 saralashi doirasida guruh bosqichi bahslari yakuniga yetdi. 10ta guruh g‘oliblari to‘g‘ridan-to‘g‘ri Mundial yo‘llanmasini qo‘lga kiritishdi. Yana 3ta yo‘llanma egasi esa pley-off bosqichi o‘yinlari orqali aniqlanadi. Pley-offda esa 12ta jamoa ishtirok etadi. Ushbu bosqichga qur’a tashlash marosimi 26 noyabr kuni bo‘lib o‘tadi. Bu haqda batafsil ma’lumot berib o‘tadi.

Qaysi jamoalar ishtirok etadi?
Saralashning 10ta guruhida 2-o‘rinni egallagan jamoalar pley-off bosqichi yo‘llanmasini qo‘lga kiritishdi. Shuningdek, UYEFA millatlar ligasi-2020/2021da o‘z guruhlarida birinchi o‘rinni olgan, ammo JCH-2022 saralash guruhida dastlabki 2ta o‘rindan birini egallamagan va reytingda yuqori o‘rinni egallagan 2ta terma jamoaga pley-offda ishtirok etish imkoniyati berildi. Bu 2ta o‘rinni Avstriya va Chexiya terma jamoalari egallashdi.

Mazkur 12ta jamoa guruh bosqichida ko‘rsatgan natijasi (ochko, to‘plar farqi, urgan gollari soni va hokazo) asosida 2ta savatchaga ajratildi.

1-savatcha
Portugaliya
Shotlandiya
Italiya
Rossiya
Shvesiya
Uels

2-savatcha
Turkiya
Polsha
Shimoliy Makedoniya
Ukraina
Avstriya (UYEFA millatlar ligasi orqali)
Chexiya (UYEFA millatlar ligasi orqali)

Qur’a tartibi
Dastlab yuqori savatcha vakillari tortiladi. So‘ngra ikkinchi savatcha jamoalari qur’ada tortilib, birin-ketin birinchi savatcha termalariga raqib bo‘lishadi. Shu tariqa, 6ta juftlik aniqlanadi. O‘yin 1-savatcha vakili maydonida o‘tkaziladi. G‘olib jamoa keyingi bosqichga yo‘l oladi.

Birinchi bosqichdagi dastlabki 2ta juftlik g‘oliblari JCH-2022 yo‘llanmasi uchun to‘qnash kelishadi ("A" yo‘l). Shu tarzda 3 va 4-juftlik ("B" yo‘l), 5 va 6-juftlik ("C" yo‘l) g‘oliblari ikkinchi bosqichda o‘zaro to‘qnash kelishadi va Mundial yo‘llanmasi uchun kurashishadi.

Ikkinchi bosqichda har bir "yo‘l" mezbonini aniqlash uchun alohida qur’a tashlanadi.

Cheklov: Ukraina va Rossiya terma jamoalari pley-off bosqichida o‘zaro to‘qnash kelishmaydi.

Taqvim

Yarim final o‘yinlar: 2022 yil 24 mart
Final o‘yinlari: 2022 yil 29 mart.

JCH-2022 qachon o‘tkaziladi?
Jahon chempionatining final bosqichi 2022 yilning 21 noyabr - 18 dekabr kunlari Qatarda o‘tkaziladi. Unga qur’a tashlash marosimi 2022 yilning aprel oyida o‘tkaziladi.