"Qo‘qon-1912" jamoasi Superliganing navbatdagi, 25-tur uchrashuvini o‘z maydonida , Olmaliqning AGMK jamoasiga qarshi o‘tkazadi.
Baxtiyor Ashurmatov boshchiligidagi jamoa a’zolari mazkur o‘yinga tayyorgarlikni boshlab yuborishdi. Futbolchilar bugun Qo‘qon shahrida to‘planishdi hamda mashg‘ulotlarga kirishishdi. Ob-havoning noqulay kelganligi sababli bugungi mashg‘ulotlar "Ahmadxon" sport majmuasining yopiq inshootlarida bo‘lib o‘tdi. Murabbiylar shtabi oldinda turgan muhim o‘yinga futbolchilarni har tomonlama puxta tayyorlash uchun bor mahoratlarini ishga solishmoqda.
Eslatib o‘tamiz, "Qo‘qon-1912" - AGMK uchrashuvi 20-noyabr , shanba kuni Qo‘qondagi "markaziy" stadionida bo‘lib o‘tadi.
