Turinning "Yuventus" jamoasi "Midtyulland" yarim himoyachisi Yenson Kayuste hizmatlariga qiziqish bildirmoqda, deya xabar berdi "Calciomercato" nashri.
Ma’lumotlarga ko‘ra, 22 yoshli futbolchi "keksa sinyora"ning qishda amalga oshirmoqchi bo‘lgan transferlar short-listidan o‘rin olgan.
Kayuste "Midtyulland" safida 2018 yildan buyon harakat qiladi, u jami 76 o‘yinda maydonga tushib, o‘z hisobiga 2 gol va yana shuncha golli uzatmani amalga oshirgan. "Transfermarkt" portali futbolchining narhini 7 million yevro deb baholagan.