"Barselona" jamoasining yangi transferi Dani Alvesning maoshi borasida yangi xabarlar paydo bo‘ldi.

Ispaniyaning "Marca" nashri xabariga ko‘ra, Dani Alves "ko‘k-anorranglilar" safida haftasiga 1 yevro miqdorda maosh olishi haqidagi xabarlar yolg‘on. Futbolchi klubda La Liga ruxsat bergan minimal miqdordagi maosh yiliga 155000 yevro oladi.

U har qanday holatda ham "Barselona"ga qaytishni istadi va minimal taklifni qabul qildi, deyiladi xabarda.

Eslatib o‘tamiz, 17 noyabr kuni braziliyalik 38 yoshli futbolchining tanishtiruv marosimi bo‘lib o‘tdi. Endi Alves yanvar oyidan boshlab o‘yinlarda ishtirok etishi mumkin.