"Барселона" жамоасининг янги трансфери Дани Алвеснинг маоши борасида янги хабарлар пайдо бўлди.
Испаниянинг "Marca" нашри хабарига кўра, Дани Алвес "кўк-анорранглилар" сафида ҳафтасига 1 евро миқдорда маош олиши ҳақидаги хабарлар ёлғон. Футболчи клубда Ла Лига рухсат берган минимал миқдордаги маош йилига 155000 евро олади.
У ҳар қандай ҳолатда ҳам "Барселона"га қайтишни истади ва минимал таклифни қабул қилди, дейилади хабарда.
Эслатиб ўтамиз, 17 ноябрь куни бразилиялик 38 ёшли футболчининг таништирув маросими бўлиб ўтди. Энди Алвес январь ойидан бошлаб ўйинларда иштирок этиши мумкин.
