Italiya A seriyasi 13-turidan olgan “Jenoa” – “Roma” bahsi yakunlandi. Qiziqarli kechgan uchrashuvda mehmonlar minimal hisobda g‘alaba qozondi. Uchrashuvning dastlabki daqiqalari teng kurashlar ostida boshlandi. Birinchi taym o‘rtalariga kelib, biroz ustunlik “Roma” tomonga o‘tdi va Mourinyo shogirdlari ketma-ket hujum uyushtirdi. Biroq, dastlabki bo‘limda gol urish hech bir jamoaga nasib qilmadi. Ikkinchi taym ham rimliklar ustunligida boshlandi. O‘yinning 74 daqiqasida legioner futbolchimiz zahiraga olindi va uning o‘rniga maydonga tushgan Afena-Gyan 83 daqiqada gol urib, jamoasini oldinga olib chiqdi. Ikkinchi bo‘lim yakuni arafasida esa yana o‘sha Gyan jarima maydoni tashqarisidan chiroyli gol urib, jamoasiga 2:0 hisobida g‘alaba qozonishiga yordam berdi.

“Jenoa” – “Roma” — 0:2

Gollar: 0:1 – 82 Afena-Gyan, 0:2 – 90+3 Afena-Gyan

Jenoa – Sirigu, Sabelli (Gilyone, 84), Masyello, Biraski (Byanki, 84), Vaskes, Kambyazo, Badel (Galdames, 90), Sturaro (Buksa, 90), Rovella, Pandev (Ernani, 63), Ekuban.

Roma – Ruy Patrisiu, Karsdorp, Manchini, Kumbula (Smolling, 87), Rojer, Mxitaryan, Veretu, Pellegrini (Bove, 90), Shomurodov (Afena-Gyan, 75), Abraxam, El-SHaaravi.

Ogohlantirishlar: Kambyazo (32), Veretu (40), Badel (54), Sabelli (78), Afena-Gyan (89).