Angliya Premyer-ligasidagi navbatdagi murabbiylik iste’fosi “Everton”da kuzatilishi mumkin. Rafael Benites shogirdlari ikki oydan beri yaxshi natija qayd eta olmayapti va turnir jadvalida 11-o‘ringa tushib ketdi.
Mish-mishlarga ko‘ra, “Everton” allaqachon Benitesning iste’fosi ustida ishlamoqda. “CaughtOffside” nashri xabariga ko‘ra, mersisaydliklar jamoasi Nunu Eshpirituni tayinlash imkoniyatini ko‘rib chiqmoqda. Portugaliyalik yaqinda “Tottenxeem”dan ketgan va hozirda ishsiz.
“Everton” 28 noyabr kuni APLning navbatdagi o‘yinini o‘tkazadi. Rafael Benites jamoasi “Brentford” mehmoni bo‘ladi.
