Англия Премьер-лигасидаги навбатдаги мураббийлик истеъфоси “Эвертон”да кузатилиши мумкин. Рафаэль Бенитес шогирдлари икки ойдан бери яхши натижа қайд эта олмаяпти ва турнир жадвалида 11-ўринга тушиб кетди.
Миш-мишларга кўра, “Эвертон” аллақачон Бенитеснинг истеъфоси устида ишламоқда. “CaughtOffside” нашри хабарига кўра, мерсисайдликлар жамоаси Нуну Эшпиритуни тайинлаш имкониятини кўриб чиқмоқда. Португалиялик яқинда “Тоттенхеэм”дан кетган ва ҳозирда ишсиз.
“Эвертон” 28 ноябрь куни АПЛнинг навбатдаги ўйинини ўтказади. Рафаэль Бенитес жамоаси “Брентфорд” меҳмони бўлади.
