AGMK jamoasi bilan o‘tkazilgan uchrashuvdan so‘ng ikki kun hordiq olgan "Qo‘qon-1912" jamoasi futbolchilari bugundan yana mashg‘ulotlarga qaytishdi.
Baxtiyor Ashurmatov shogirdlarini superliganing so‘nggi turida Namanganning "Navbahor" jamoasiga qarshi o‘yin kutib turibdi. "Shunqorlar" bugundan "vodiy derbi"siga tayyorgarlikni boshlab yuborishdi. "Navbahor" jamoasi bilan bo‘ladigan uchrashuvlar har doim murosasiz kurashlarga boy tarzda o‘tib kelgan. Buni yurakdan his qilgan futbolchilarimiz mashg‘ulotlarda astoydil ter to‘kmoqdalar. Murabbiylar shtabi esa mavsumni yaxshi kayfiyatda yakunlash va tarkibda yuzaga kelishi mumkin bo‘lgan yo‘qotishlar o‘rnini to‘ldirish, "derbi"ga futbolchilarni har tomonlama puxta tayyorlash borasidan astoydil bosh qotirmoqdalar.
Baxtiyor Ashurmatov boshchiligida, Qo‘qondagi "markaziy" stadionida o‘tkazilgan bugungi mashg‘ulotlar ko‘tarinki kayfiyatda bo‘lib o‘tdi.